Ura ez dator aukeran

Irudi lezake euria egotea nahikoa dela guk ura edukitzeko, baina ura gure txorrotetara heltzea prozesu luze baten emaitza da. Prozesu horretan baliabide naturalek esku hartzen dute, baina horrez gain obrak eta azpiegiturak beharrezkoak dira, baita kudeaketa eta tratamendua ere, gure etxeetara kalitatezko ura hel dadin.

Obrak eta azpiegiturak.
Uraren hornidura hobetzen

Hornidura sare ona daukagu, eta hain zuzen ere sare horretan inbertitzen ditugu baliabide gehienak. Sare horrek ur hornidura bermatzen du etxe guztietan, baita hornidurako ur horren kalitatea edozein ur botilaturen kalitatearen parekoa izan dadila ere.

Kanalizazioak, hodiak eta 24 orduko mantentze-zerbitzua
Sareen eta horien instalazioen konponketaz eta mantentze-lanaz arduratzen gara, 24 orduetan eta urteko 365 egunetan.